iphone edhe ne 10 shtete të tjera

Pas ankesave të gjata të shfrytëzuesve për shkak të disponueshmërisë së kufizuar të celularit iPhone, duket se gjërat po ndryshojnë shpejt. T-Mobile në Austri do të mund të bëhej i pari në botë që ofron 3G iPhone, derisa Vodafone ka nënshkruar marrëveshje me Apple për shitjen e iPhone në dhjetë shtete të reja.
Tregjet e reja në të cilët iPhone do të jetë në shitje janë Australia, Çekia, Egjipti, Greqia, Italia, India, Portugalia, Zelanda e Re, Republika Jugafrikane dhe Turqia. Bëhet fjalë, natyrisht, për versionin aktual të iPhone, sepse 3G iPhone ende është në fazën e thashethemeve.

Mirëpo kjo nuk ka parandaluar pothuajse të gjitha mediat të publikojnë informata se versioni i ri i iPhone, me mbështetje për 3G, do të paraqitet së pari në Austri, nën operatorin T-Mobile.

Duke marrë parasysh se për momentin nuk ekziston asnjë informacion zyrtar për versionin e ri të iPhone, edhe këtë lajm nuk duhet marrë tepër seriozisht.