Schuster: E dua Ibrahimoviqin në Real

Schuster: E dua Ibrahimoviqin në Real
Trajneri i Real Madridit, Bernd Schuster, ka deklaruar se ai do të dëshironte të nënshkruajë me sulmuesin e Interit, Zlatan Ibrahimoviq.

E ardhmja e Ibrahimoviqit tek kampioni italian është vënë në pyetje, pasi që suedezi së fundi ka shprehur dëshirën që të luajë në La Liga ose Premierligë, ndërsa sot edhe trajneri i Realit, Bernd Schuster, ka shprehur dëshirën ta ketë sulmuesin në radhët e veta.

“Ibrahimoviq? Ai është një lojtar i madh dhe do të doja ta kisha këtu. Të gjithë lojtarët e mëdhenj janë të mirëseardhur dhe janë caqe të mundshme të Real Madridit. Ibrahimoviq është një të cilin do të doja ta kisha”, ka thënë trajneri gjerman.

Ibrahimoviq ka qenë në një formë jo aq mbresëlënëse gjatë vitit 2008, dhe ende nuk ka shënuar në tre muajt e fundit. Interesim për suedezin ka shprehur edhe Chelsea, ndërsa shtypi anglez ka shkruar sot se është i mundshëm edhe një shkëmbim Drogba-Ibrahimoviq