Formula 1!!

Felipe Massa ka arritur pikët e para të sezonit 2008 në Formula 1, me anë të një fitoreje dominuese në garën e Bahrainit, ku përfundoi para shokut të tij skuadrës Ferrari, Kimi Raikkonen.
Për brazilianin Felipe Massan, kjo ishte fitorja e gjashtë në karrierë. I treti në cak arriti ngasësi i BMW-së, Robert Kubica.

Lewis Hamilton përfundoi jashtë zonës së pikëve, duke humbur kështu edhe kryesimin në kampionatin e Formula 1. Hamilton e dëmtoi McLarenin e tij, pasi që goditi nga prapa veturën e ish partnerit të tij, Fernando Alonso, duke humbur shtatë vende që në start.

Kampioni aktual, Raikkonen, pas kësaj gare kryeson kampionatin me 19 pikë, tre më shumë se ngasësi i BWM Sauber, gjermani Nick Heidfeld. Hamilton, Heikki Kovalainen dhe Kubica gjendet në pozitën e tretë me nga 14 pikë.

Piloti i Formula 1, Fernando Alonso, ka drejtuar dje për herë të parë modelin e vjetër të Reno, R27, me të cilin ka zhvilluar disa xhiro në pistën e Herez. "Kisha pak probleme në fillim, pasi kisha kohë pa nisur një makinë të Formula 1. Por pres me padurim të filloj punën me skuadrën dhe të shoh modelin e ri R28. Kjo ishte hera e parë që nis një veturë pa kontrollin elektronik, por pas disa xhirove fillova të rrezikoj më shumë. M‘u kujtuan shumë gjëra të bukura", ishin fjalët e tij para gazetarëve

Në të gjitha makinat e prezantuara bie në sy imitimi i njëra tjetrës në projektet e vitit të kaluar
Makina e re Toyota ka zbritur në pistën e Jerezit për testimet e para. Në të njëjtën ditë të pranishme kanë qenë dhe dy makinat e reja të skuadrave McLaren dhe Ferrari. Pikërisht këto testime janë edhe përballjet e para mes rivaleve të sezonit të ri 2008. Mendohet kështu pasi, edhe një vit më parë ishin këto dy skuadra që e rivalizuan njëra tjetrën deri në garën e fundit.

Rregullorja: Projektet e makinave të reja të prezantuara deri tani, Ferrari F2008, McLaren MP4 23, Toyota T108 dhe BMW F1.08, janë ndikuar nga ndryshimet e reja të rregullores për këtë sezon. Në mënyrë të vaçantë, në ndryshimet e reja përmendet heqja e ndihmesave të paketave elektronike. Me këtë modifikim synohet që pilotët të kenë një kontroll edhe më të madh mbi makinat.

Deri tani, të gjitha makinat e reja kanë bërë një revolucion të pjesës së përparme, pra "hundës së makinës" në krahasim me një vit më parë.

Modifikimet: Ferrari, në mënyrë të vaçantë, e ka shkurtuar disi gjatësinë e makinës, ajo tshmë është rreth 3 cm më e shkurtër, ndërkohë që McLaren dhe Toyota kanë bërë të kundërtën, duke u zgjatur disi, gjatësi që janë, pak a shumë të njëjta për të dyja makinat. Vitin e kaluar makina McLaren MP4 22 ishte disi më e shkurtër, rreth 16 cm në krahasim me Ferrarin F2007. Gjithashtu, janë gjetur edhe zgjidhje të reja, përsa u përket makinave të këtij sezoni. Ferrari ka futur në pjesën e përparme një krah të vogël aerodinamik, të cilin duket ta ketë kopjuar nga Toyota e një viti më parë. Ndërkohë, makina e re Toyota e këtij sezoni ka modifikuar pjesën e përparme, duke imituar disi McLarenin e vitit të kaluar, duke ulur disi pjesën e "hundës". Ndërkohë, te makina e re McLaren MP4 23 kjo pjesë duket më e ngritur dhe disi e zgjatur, pak a shumë si ajo e rivalëve të saj.

Aerodinamika: Eshtë shumë shpejt për të bërë balance dhe analiza të këtij tipi në këtë periudhë të vitit. Të gjitha makinat e prezantuara deri tani kanë treguar paketa aerodinamike shumë të ndryshme nga ato që ne do të shohim në garën e parë të këtij sezoni, më 16 mars, në Çmimin e Madh të Australisë. Por duket se mekanikët dhe shefat e aerodinamikës kanë pasur ndër mend të rrumbullakosin edhe më shumë elemente të ndryshme të makinës në çdo pjesë, duke e bërë paktën në kompleks më eficente. Një gjë e tillë bie në sy te dyja makinat rivale, Ferrari dhe McLaren, ndërkohë që edhe makina Toyota ka bërë një revolucion në këtë pikë.

Në avantazh: Aq sa është parë nga prezantimet e para, duket se Ferrari dhe McLareni janë në avantazh të dukshëm në krahasim me dy makinat e tjera Toyota dhe BMW. Nuk duhet të harrojmë se sezonin 2008 nuk kanë rëndësi rezultatet e makinave në një xhiro të vetme. Makinat tashmë duhet të ambientohen me stilin e ri të pilotimit që do të përdorin në këtë sezon pilotët, duke ditur se nuk kanë më as ndihmesat elektronike. Një gjë mjaft e rëndësishme është për t'u parë edhe konsumimi i gomave, që ndikon ndjeshëm në strategjinë e garës. Por, në të njëjtën kohë, nuk duhet të harrojmë edhe qëndrueshmërinë që duhet të kenë këto makina. Për këtë arsye, të gjitha skuadrat janë përpjekur të xhirojnë sa më shumë në pistë dhe t'i nxjerrin makinat e reja, në mënyrë që të kenë kohë për t'i testuar për një periudhë të gjatë, deri në garën e parë të Melburnit. Nëse do të fillojë sezoni, dhe këto makina do të kenë ende probleme, atëherë do të jetë e vështirë që të rikuperojnë.

Ferrari F2008

Elemente të reja, të bashkëngjitura me "hundën"

Edhe pse ditën e prezantimit të saj, më 6 janar, janë vënë re profile të ndryshme të makinës së vjetër, makina e re Ferrari ka të reja të rendësishme. E dizenjuar nga Xhorxho Piola, elementi i ri është integruar në pjesën qendrore (1). Në zonën e poshtme (2) është një tjetër element që bën të mundur futjen e një fluksi më të madh të ajrit poshtë.

McLaren MP4 23

Pjesa përpara është zgjatur, në krahasim me 2007-n

Në preznatimin që iu bë kësaj makine në Shtutgart është parë qartë zgjatja e saj në pjesën e përparme, në krahasim me makinën e vitit të kaluar, 2007 s. Në makinën e re, skuadra nga Uokingu, sidomos në pjesën e "hundës", duket më pak e shtypur (1). Ndërkohë që, ndryshe nga makina e sezonit të shkuar, kjo e reja ka një pjesë përpara disi më të gjatë dhe në pjesën qendrore ka suporte (2) që nuk i ka pasur MP4 22-shi.

Toyota TF108

Zgjedhja kundra rrymës, pjesa para më e ulët

Në një kohë kur Ferrari dhe McLareni kanë vendosur për makinat e këtij sezoni që ta ngrenë pjesën e parë, Toyota ka bërë të kundërtën, duke e ulur atë (1) në makinën e re të këtij sezoni TF108. Zgjedhjet e saj të ndryshme vazhdojnë edhe me një element që kalon mbi pjesën e "hundës" së makinës (2). Duket e kopjuar nga McLareni i vitit të kaluar

Prezantohet BMW-ja, pretendentja e tretë

--------------------------------------------------------------------------------

Sezonin e kaluar skuadra gjermane u rendit e dyta, ndërsa për 2008 n shpreson të arrijë fitoren e parë
Eshtë edhe BMW ja në luftën për titullin kampion të Formulës 1. Mario Tisen, numri 1 i skuadrës gjermane, nuk i fsheh ambiciet që kanë ata për sezonin e ardhshëm. Këtë gjë ai e ka bërë ditën e djeshme, ku kanë prezantuar edhe makinën e re F1.08, makinën me të cilën ata do të përfaqësohen sezonin 2008. Debutimi i kësaj makine në pistë është parashikuar të bëhet javën e ardhshme. "Kjo është makina më e bukur që kam parë ndonjëherë, - ka komentuar piloti gjerman Nik Haidfeld, i cili edhe në këtë sezon do të jetë piloti zyrtar i kësaj skuadre, bashkë me Robert Kubicën.

Makina e re BMW është prezantuar me një krah aerodinamik përpara, të ndryshëm dhe krejtësisht revolucionar në krahasim me sezonin e kaluar. Ky ndryshim i ri është i ndërtuar nga tri elemente të ndryshme. Ndryshime të reja ka pasur edhe në pjesën e "hundës" së makinës, e cila është pak më e lartë dhe më e rumbullakosur në krahasim me makinën e një viti më parë. "Dy sezonet e fundit e kanë rritur ndjeshëm besimin e skuadrës, - ka thënë numri 1 i kësaj skuadre, Mario Tisen. - Ne jemi të vetëdijshëm që nuk jemi perfekt, si dhe, mbi të gjitha, janë disa sektorë që duhet t'i ndryshojmë në makinë, për të arritur aty ku pretendojmë. Në sezonet 2006 dhe 2007 i kemi arritur objektivat tona, dhe mund të them se jemi duke shkuar në drejtimin e duhur. Punonjësit e skuadrës, nga inxhinierët më të mëdhej e deri te mekanikët e thjeshtë, në qendrat tona në Mynih dhe Hinuill, e dinë mirë se çfarë u ka mbetur për të bërë. Makina e sezonit të kaluar F1.07 ishte shumë e mirë, ndërsa në makinën e re janë vendosur disa elemente-shtesë. Pra, në teori, makina e re F1.08 duhet të jetë edhe më e mirë se paraardhësja," ka deklaruar Tisen.

Objektivi i tyre është shumë i qartë, edhe pse nuk thuhet hapur. Ata kanë ndër mend t'i pengojnë Ferrarin dhe McLarenin ose, më mirë duan të ndërhyjnë në luftën mes këtyre dy skuadrave të mëdha. Sezonin 2007 skuadra BMW u rendit në vendin e dytë në klasifikimin për konstruktorë, duke përfituar nga historia e spiunazhit që e ndëshkoi skuadrën McLaren Mercedes, duke ia hequr të gjitha pikët në këtë klasifikim. "Duket qartë që të gjithë presin me padurim fitoren e parë të kësaj skuadre; dhe ne këtë gjë përpiqemi të arrijmë. Por duhet theksuar se është shumë e vështirë që të bëhen parashikime të sakta, se kur mund të bëhet diçka e tillë, - ka deklaruar piloti gjerman Hajdfeld. - Shpresoj që projektet e hartuara të funksionojnë dhe, nëse gjithçka do të shkojë mirë, ashtu siç e kemi parashikuar, atëherë edhe fitoren e parë ne do ta arrijmë brenda vititi 2008. Unë pres që kjo makinë e re të ketë bërë hapa përpara, në të gjitha drejtimet. Duhet të mësojmë nga gabimet që kemi bërë në të shkuarën. Procesi i përmirësimit të makinës gjatë sezonit është shumë i rëndësishëm dhe kësaj gjëje duhet t'i kushtojmë më shumë vëmendje, nëse vërtet duam t'i arrijmë ato objektiva që kemi. I kemi të gjithë njerëzit që punojnë për ne në nivelin më të lartë, pasi janë edhe në vendin e duhur," ka përfunduar Haidfeld, që më pas ia ka lënë fjalën shokut të tij të skuadrës, polakut Robert Kubica, i cili e ka mbyllur gjithçka me fjalinë: "Shpresojmë vërtet që të kemi mundësi t'i japim tifozërisë sonë një fitore në këtë sezon".

Skeda teknike

Projektuesi i motorit: BMW

Shasia: F1.08, prodhuar nga BMW Sauber

Kambio: Gjysmautomatike, 7 marshe

Amortizatorët: Sachs

Pesha: 605 kilogramë

Sistemi i ftohjes: Ujë/Vaj

Frenat: Brembo Carbon

Vaji: Petronas

Karburanti: Petronas

Disqet: O.Z.

Gomat: Bridgestone

Shasia: BMW V8 P86/790

Kubik: 2 400 cc

Blloku i motorit: Alumin

Blloku i cilindrave: Alumin

Join Date: May 2007
Posts: 73
Thanks: 1
Thanked 3 Times in 1 Post Zbulohen "shigjetat e argjendta" McLaren për sezonin 2008

--------------------------------------------------------------------------------

Pasi është montuar në qendrën e McLarenit në Angli, ceremonia është zhvilluar në Shtutgart të Gjermanisë
Në ditën e 23‑vjetorit të Ljuis Hamilton është prezantuar makina e re e skuadrës McLaren‑Mercedes, MP4‑23. Prezantimi i "shigjetave të argjendta" është bërë në qendrën e Mercedes‑it në Shtutgart. Kjo makinë e re e McLarenit prezantohet vetëm 24 orë pas prezantimit të Ferrarit. Montimi i makinës është bërë i gjithi në qendrën e kësaj skuadre në Uoking të Anglisë, ndërkohë që më pas ajo është transportuar rreth 100 kilometra në Gjermani. Përpara rreth 400 gazetarëve, numri 1 i McLarneit, Ron Denis, ka folur për ndryshimet e reja në këtë makinë. "Çdo pjesëtar i skuadrës Mercedes ka punuar shumë, për ta çuar në fund të gjithë këtë projekt, si dhe për të nxjerrë në pistë makinën e re me emrin MP4‑23. Do ta kemi gjithë kohën e duhur për ta testuar, dhe më pas për të fluturuar deri në Australi. Objektivi ynë për vitin 2008 është t'i fitojmë të dy titujt kampionë," ka deklaruar Ron Denis. Makina e re e skuadrës nga Uokingu do të dalë sot në pistën e Jerezit në Spanjë për herë të parë. Pamja e jashtme e makinës është dizenjuar që në nëntor të vitit 2006, ndërkohë që testimet e tjera në galeritë të erës janë bërë që në maj të vitit 2007. Montimi i makinës ka filluar të bëhet në dhjetor dhe ka përfunduar në janar. Për këtë proces pune kanë punuar 150 inxhinierë të ndryshëm dhe projektues. Makina e re MP4‑23 është një evolucion i makinës MP4‑22, por në pamje të parë nuk ka shumë ndryshime të mëdha. "Që nga dita e sotme dhe deri në garën e fundit, kjo makinë do të pësojë ndryshime të mëdha në sektorin e aerodinamikës dhe në pjesë të ndryshme teknike," ka shtuar Ron Denis. Ndërkohë, paraqitja e makinës së re MP4‑23 ngjan më shumë me stilin gjerman. Pra, një "shigjetë e argjendtë" e vërtetë, si Mercedesët e epokës. Ngjyra e argjendtë është dominuese, por ka edhe disa pjesë të vogla të kuqe, që kanë lidhje me sponsorin. Pjesa e "hundës" së makinë është disi më e gjatë, në krahasim me makinën e vitit të kaluar, dhe në pjesët anësore do të jetë disi më e fryrë. Kambio do të jetë krejtësisht e re e me fibra karboni.



Martin Uitmarsh: Jemi shumë optimistë!

Ndërkohë, drejtori teknik i McLarenit, Martin Uitmarsh, ka deklaruar: "Përmirësimi dhe krijimi i makinës MP4‑23 ka filluar 10 muaj më parë në Uoking, Briksuorth dhe në Shtutgart. Të gjtihë kanë punuar shumë javët e fundit, sidomos në periudhën e dhjetorit, për ta bërë të mundur prezantimin e makinës në këtë ditë. Nuk duhet të lëmë pa përmendur këtu se kemi pasur ndihmesë të madhe nga partnerët tanë teknologjikë. Në bazë të të dhënave që kemi marrë nga simulatorët, mund të them se jemi shumë optimistë për makinën e re MP4‑23, ndaj dua të shtoj se kjo është një makinë më e mirë se paraardhësja. Padyshim që do të vazhdojmë ta përmirësojmë këtë makinë, deri në garën e parë të Australisë, dhe më pas do të shohim se deri në çfarë niveli kemi arritur. Nga dita e prezantimit deri te gara e parë kemi 68 ditë afat, për ta përmirësuar sa më shumë makinën," ka përfunduar Uitmarsh.


Ditën e 23‑vjetorit të pilotit britanik "ka lindur" edhe makina e re e skuadrës anglo‑gjermane

Hamilton feston ditëlindjen me McLarenin e ri

Ljuis Hamilton nuk mund ta festonte më mirë se kaq ditëlindjen e tij. Piloti britanik i McLarenit i ka shuar 23 qirinjtë pikërisht dje, në ditën e prezantimit të makinës së re McLaren, MP4‑23. Me këtë makinë ai do të përpiqet ta fitojë titullin kampion, që nuk arriti ta fitonte sezonin e kaluar. "Makina e re Mp4‑23 është dhurata më e bukur që më është bërë për ditëlindjen. Ta shohësh makinën e re të sezonit 2008 në një mjedis kaq të mrekullueshëm, sa mjedisi i muzeut të Mercedesit, e bën këtë ditë akoma edhe më të paharruar. Tri javët e fundit kam qëndruar pushim, për t'u çlodhur me familjen time dhe me miqtë. Në të njëjtën kohë edhe jam stërvitur," ka deklaruar Hamilton. Unë e di se sa shumë është punuar në Uoking, Briksuorth dhe në Shtutgart. Kjo është një makinë shumë e bukur. Inxhinieri im i garës më ka thënë se janë dashur

14 000 orë pune për të prodhuar një makinë të tillë për këtë ditë. Ditën e enjte unë do ta provoj për herë të parë. Do të jetë një moment impenjativ për mua dhe Heikin, i cili këtë sezon do të jetë shoku im i ri i skuadrës," ka shtuar më tej britaniku. Ajo e djeshmja ka qenë ditë e vaçantë edhe për pilotin tjetër të McLarenit, Heiki Kovalainen, i cili është paraqitur në daljen e parë zyrtare me McLarenin. Finlandezi shpreson që të paraqitet edhe më mirë më 2008‑n, falë eksperiencës që ka grumbulluar nga sezoni 2007. "Kjo është veprimtaria ime e parë si pilot zyrtar i McLarenit. Pasi jam bashkuar me këtë skuadër, më 14 dhjetor, kam kaluar pak kohë në qendrën e teknologjisë së McLarenit, për t'i njohur nga afër të gjithë inxhinierët që do të kem në sezonin e ri. Dua të shtoj, gjithashtu, se është diçka fantastike të jesh i pranishëm në muzeun e Mercedesit, ku kam takuar një pjesë të madhe të punonjësve të kësaj firme gjermane. Gjithashtu, kam takuar shumë personazhe VIP, si dhe pjesëtarë të medieve. Vitin e kaluar kam mësuar shumë. Shpresoj t'i shfrytëzoj njohuritë që kam marrë për vitin 2008. Pres me padurim që të filloj e të jap kontributin tim për këtë skuadër. Nga fundi i kësaj jave do të zhvilloj testimet e para me këtë makinë, përpara se të shkojmë në Melburn. Për mua ky është një moment shumë emocionues, pasi tani jam pilot i skuadrës McLaren," e ka përfunduar deklaratën e tij Heiki Kovalainen.


Skeda teknike

Shasia: MP4‑23, prodhur nga McLaren‑i

Kambio: Gjysmautomatike, 7 marshe

Amortizatorët: Koni

Pesha: 605 kilogramë

Sistemi ftohjes: Ujë/Vaj

Frenat: Disqe karboni

Vaji: Mobil 1

Karburanti: Mobil 1

Disqet: Enkei

Gomat: Bridgestone

Motori: Mercedes V8 FO 108T ‑ 90°

Kubik: 2 400 cc

Blloku i motorit: Alumin

Blloku i cilindrave: Alumin

"Kokëkuqja" F2008, për të mbrojtur titullin!

--------------------------------------------------------------------------------

F2008 është makina e Ferrarit, e cila do të mundohet të përsërisë më 2008‑n mrekullinë që bëri sezonin e kaluar

Janë zbuluar, më në fund, karakteristikat e Ferrarit të ri. Ai quhet F2008 dhe është makina e 58‑të e Ferrarit, e cila do të mundohet të përsërisë më 2008‑n atë mrekulli që bëri sezonin e kaluar. Kjo makinë është ndërtuar në bazë të rregullores së re, ku në mënyrë të vaçantë bien në sy reduktimet e ndihmesave elektronike. Në ceremoninë e prezantimit padyshim kanë qenë të pranishëm edhe dy pilotët. Kampioni i botës në fu*** Kimi Raikonen, e ka komentuar i pari makinën e re: "Ka shumë të reja në këtë makinë. Pjesa e pilotit është ngushtuar disi, në bazë të rregullores së re dhe, për më shumë, mund të them se kjo makinë do të jetë më e vështirë për t'u pilotuar në pistë të lagur. Me pak fjalë, të gjithë pilotët duhet ta ndryshojnë stilin e pilotimit. Ne jemi gati dhe me Masën gjërat shkojnë shumë mirë". Këtë gjë e ka konfirmuar edhe vetë piloti brazilian. "Për skuadrën kjo është njësoj sikur lind një fëmijë. Tani na duhet të punojmë shumë që ky "fëmijë" të rritet dhe shumë shpejt të na japë mundësi që të fitojmë deri në fund të sezonit." Me të njëjtin padurim e pret edhe Raikoneni këtë makinë për ta provuar. "Nuk ndihem më i fortë se një vit më parë," thotë finlandezi, i cili në vitin 2007 u shpall kampion bote në garën e fundit në Interlagos të Brazilit. Me makinën e re F2008 skuadra Ferrari do të përpiqet sërish t'i fitojë të dy titujt kampionë, për pilotë dhe konstruktorë. "Fakti që ia dolëm mbanë, për ta fituar titullin vitin e kaluar, më jep më shumë besim dhe, në të njëjtën kohë, ma shton guximin për ta provuar të njëjtën gjë edhe këtë sezon. Gjithsesi, të gjitha këto gjëra nuk më bëjnë të ndihem më i fortë." Makina e re F2008 është parë në pistë përpara janarit. Më entuziasti për këtë makinë, mesa duket, është braziliani Felipe Masa. "Nuk kam ende fëmijë, por tani që e shoh këtë makinë më ngjan sikur ka lindur një "fëmijë". Braziliani, i cili ka kontribuar shumë në fitimin e titullit kampion të Kimi Raikonen dhe të skuadrës për titullin për konstruktorë, këtë sezon ka shumë ambicie të mëdha. "Kjo është një ditë e vaçantë për të gjithë ne, por këtë "fëmijë" të sapolindur duhet të përpiqemi ta rrisim sa më shpejt që të jetë e mundur. Sezoni 2008 do të varet shumë nga ky "fëmijë", ka përfunduar Felipe Masa.



Janë të shumta limitimet në pjesët elektronike, në të gjitha makinat e sezonit të ri 2008

Ferrari i ri, më pak elektronik dhe më i thjeshtë

Janë të shumta të rejat e Ferrarit që ka debutuar dje në Fiorano. Mes tyre, ai që të bie më shumë në sy është timoni i ri, i ndryshëm nga ai i vitit të kaluar, më i thjeshtëzuar. Në të vërtetë, sezoni 2008 është disi më i tkurrur, përsa i përket elektronikës; rregullorja e sezonit të ri ka lënë jashtë disa sisteme të tilla. Ndër pjesët e reja është centralina e makinës, e cila do të jetë e përbashkët për të gjitha sistemet e saj, e që duket si një hap prapa, por, gjithsesi, është diçka e njëjtë për të gjithë. Pra, janë të shumta limitimet e komandave elektronike. Në këtë mënyrë, është mbyllur edhe kapitulli i nisjeve të makinave në mënyrë automatike, ashtu si edhe sistemi i kontrollimit të trajektores në kthesa të ndryshme. Tashmë del më shumë në pah aftësia e pilotëve.

Gabimet - Eshtë hequr gjithashtu edhe kontrolli elektronik i gazit. Tashmë pilotët duhet të jenë më të kujdesshëm, kur shtypin pedalen, pasi gjithçka do të ushtrohet nga forca që ushtrojnë ata vetë. Heqja e këtyre sistemeve ndihmuese i ka dhënë menjëherë shenjat; që në testimet e para janë parë gabime të shumta të pilotëve, të cilët kanë dalë jashtë piste. Pra, këto makina të reja janë projektuar që pilotët ta kenë më shumë nën kontroll nga ana mekanike, dhe jo elektronike. Do të jenë vetë pilotët ata që do të përcaktojnë edhe korsën e gazit. Në kohën e Senës dhe Mansellit sistemet elektronike ishin të pakta dhe më pak të sofistikuara. Edhe atëherë ata bënin zgjedhje të ndryshme, pra, dikush mbante një pedale me kors të gjatë dhe dikush me kors të shkurtër. Pedalja me kors të shkurtër mund të përdoret në mënyrë më brutale.

Thjeshtëzimet - Që në provat e para ra në sy thjeshtëzimi i timonit të të gjitha makinave. Ndër timonët më të ndryshëm binte në sy ai i Ferrarit, i cili, përveç 24 butonave ka në qendër një ekran të vogël. Por ky timon do të ndryshohet sërish pas testimeve që do të zhvillohen në vazhdimësi. Kur shihet, ajo që të bie në sy është ndryshimi i formës. Gjithashtu, ka edhe disa drita "spiun", të cilat sinjalizojnë momentin e ndryshimit të marsheve. Në ekranin në qendër tregohet marshi që është edhe sinjalizimi i flamujve, që mund të jenë duke u valëvitur në pistë.

Reduktimet - Dy butona të mëdhej në qendër janë reduktuar në një, që do të jetë për të kontrolluar gjendjen e makinës me ekranin në qendër. Janë eliminuar edhe dy leva, të cilat bënin kontrollin automatik të diferencialit në kthesa të ndryshme, ku zgjidhej edhe një trajektore ideale. Tashmë kanë mbetur vetëm tri leva; në krahun e dorës së majtë kontrollohet pjesërish diferenciali për hyrjen dhe daljen e kthesës. Në krahun e dorës së djathtë vazhdojnë të qëndrojnë butonat e kontrollimit të regjimeve të motorit, karburantit dhe të grafikëve të ndryshëm. Vazhdojnë të qëndorjnë gjithashtu disa komanda-bazë për kontrollimin dhe komunikimin e radios, për shpejtësinë në bokse dhe për pirjen e lëngjeve gjatë garës.

Gomat - Në qendër, në ekran, shfaqet edhe një opsion për gomat, që tregon presionin e tyre, si dhe mënyrën se si duhen ndryshuar marshet, që të mos konsumohen shumë gomat.



Të dhënat teknike

Shasia: Prej fibrash karboni

Kambio: Gjysmautomatike dhe kontroll elektronik

Nr i marsheve: 7 + indietro (marshi mbrapa)

Frenat: Disk karboni me fletë

Amortizimi: Me amortizatorë të pavarur

Pesha: 605 kg. (me ujin, vajin dhe pilotin)

Disqet: BBS 13

Motori

Tipi: 056

Nr. i cilindrave: 8

Blloku: prej alumini dhe me kënd 90 gradë

Nr. i valvolave: 32

Distributori: Pneumatik

Kubikët: 2 398 cm3

Diametri i cilindrit: 98 mm

Pesha e motorit: 95 kg

Elektronika: Magneti Marelli

Injeksioni: Statik Magneti Marelli

Karburanti: Shell V‑Power

Vaji: Shell

SEPANG (Malajzi), 25 shtator 2005 - Valentino Rossi eshte kampioni i botes per te shtaten here ne historine e garave me motora. Pezarezi i Yamahas ia arriti fale vendit te dyte te zene ne Cmimin e Madh te Malajzise, gare e fituar nga protagonisti i ektij fund-sezoni, Loris Capirossi.

Ishim mesuar te shikonim Doktorin te monopolizonte skenen duke i bere te tijat keto fitore. Por sot Vale gjeti para vetes nje Ducati te jashtezakonshem dhe nje Capirossi shume te perqendruar dhe ne forme.

Valevitja e flamurit bardhezi(me katrore) ka shenuar edhe fillimin e festimeve te triumfit te shtate te Valentinos. 7, sic jane 7 xhuxhat me te cilet Valentino deshi te festonte ne transmetim boteror. Duke prere finishin veshi nje bluze te bardhe me nje numer 7 te stampuar perpara dhe ne mes te pistes arriti u bashkua me tifozet e Fan Clubit te tij te veshur si 7 personazhet e perralles se Walt Disney-t. Pasi u shtri para tyre, iu bashkangjit edhe nje vajze e veshur si Borebardha, e cila nuk mund te mungonte. I kerkojne te filloje Formula 1, i kerkojne Rally, me pak fjale i kerkojne te mahnise serish. Shume e madhe fama mediatike per nje sportist te jashtzakonshem i cili duket se ka kthyer ne normalitet nje seri bemash qe e kane kthyer ne nje figure te pakrahasueshme te sporteve te shpejtesise

Japanese Grand Prix

--------------------------------------------------------------------------------

Finlandezi ka mundur të fitojë garën e Suzukës në xhiron e fundit, edhe pse u nis i 17-ti 10-10-2005

Raikonen arrin misionin e pamundur


Piloti finlandez i skuderisë Mclaren-Mercedes, Kimi Raikonen, ka zhvilluar ditën e diel një nga garat më të bukura të këtij sezoni. Eshtë nisur nga vendi i 17-të në Çmimin e Madh të Japonisë dhe ka arritur ta fitojë atë. Megjithëse arriti të bënte këtë mrekulli, Raikoneni nuk pati mundësi të ndalte skuderinë Renault, që të rimerrte kryesimin e klasifikimit për konstruktorë. Skuderia franceze është ringjitur në krye me dy pikë avantazh ndaj McLaren-it. Pilotët e saj, Fernando Alonso dhe Xhankarlo Fizikela, janë renditur në vendin e dytë dhe të tretë në këtë garë.

Një fakt, interesante në këtë garë ka qenë kur spanjolli Alonso, i cili trashmë është edhe kampioni i botës për këtë sezon, ka arritur të parakalojë Majkëll Shumakerin, dy herë gjatë kësaj gare. Në klasifikimin e përgjithshëm për pilotë, ai ka 123 pikë, ndërkohë që Raikoneni ka 104. Duhet theksuar se finlandezi ka arritur fitoren e shtatë në këtë sezon, ndërkohë që Alonso ka vetëm 6. Australiani Mark Veber e ka përfunduar garën në vendin e katërt përpara Xhenson Batonit dhe bashkëkombasit të tij, Devid Kulthardit. Gjermani i Ferrarit, Majkëll Shumaker, është renditur në vendin e shtatë përpara vëllait të tij Ralfit, i cili megjithëse u nis nga "poli", nuk mundi të merrte më shumë se një pikë. "Kjo ishte një nga fitoret më të vështira që kam arritur deri tani, megjithatë ishte padyshim edhe fitorja më e bukur, pasi u arrit pas një lufte të ashpër, - ka thënë Raikoneni, i cili ka ndërperë dhe serinë e fitoreve radhazi të Ferrarit në Suzuka. - Me të vërtetë ka qenë një nga fitoret më të bukura. Nuk kisha asgjë për të humbur, janë shanset e fundit." Ndërkohë që numri 1 i kësaj skuderie, Ron Denis, ka shtuar: "Në momentet e fundit më pyeti për xhirot e mbetura dhe i thashë se kishte mbetur vetëm një. I kërkuam maksimumin dhe me gjithçka rezultoi fenomenale."

Skuderia Renault, në klasifikimin e përgjithshëm për konstruktorë, ka 176 pikë, ndërkohë që McLaren-i 174. Në të vërtetë ka qenë dalja nga gara e Huan Pablo Montojës ajo që me sa duket i ka kushtuar vendin e parë në klasifikimin për konstruktorë skuderisë McLaren-Mercedes. Në të vërtetë ka qenë Zhak Villnëv ai që ka shkaktuar këtë incident, i cili rezultoi fatal për pilotin kolumbian. "Nuk arriti të frenonte në momentin e duhur. Më pas u fut në shikan shumë gjerë dhe sa vinte e zgjeronte trajektoren, derisa më nxori krejtësisht jashtë," - ka thënë menjëherë pas incidentit Huan Pablo Montoja, i cili ishte dhe fituesi i garës së kaluar në Brazil. Pikërisht për këtë incident ka hyrë më pas në pistë edhe makina e sigurisë.

Bie perdja në Formula 1 -

--------------------------------------------------------------------------------

Me garen e fundit te zhvilluar ne Shangaj - Kine ku triumfoi kampioni aktual i ri F.Alonso bie edhe perdja per Formula 1 per kete vit. Spanjolli Fernando Alonso shpallet kampion me i ri ne historine e Formula 1-shit. Poashtu edhe Renault fiton titullin e konstruktoreve per kete sezon.

Top-10 final i sezonit

1 Fernando Alonso Spanish Renault 133
2 Kimi Räikkönen Finnish McLaren-Mercedes 112
3 Michael Schumacher German Ferrari 62
4 Juan Pablo Montoya Colombian McLaren-Mercedes 60
5 Giancarlo Fisichella Italian Renault 58
6 Ralf Schumacher German Toyota 45
7 Jarno Trulli Italian Toyota 43
8 Rubens Barrichello Brazilian Ferrari 38
9 Jenson Button British BAR-Honda 37
10 Mark Webber Australian Williams-BMW 36

Konstruktoret:

1 Renault 191
2 McLaren-Mercedes 182
3 Ferrari 100
4 Toyota 88
5 Williams-BMW 66
6 BAR-Honda 38
7 Red Bull Racing 34
8 Sauber-Petronas 20
9 Jordan-Toyota 12
10 Minardi-Cosworth 7

___

Te shohim se cdo na sjell viti tjeter, ne nje interviste Shumi kishte thene se nuk largohet nga F1 pa mundur Raikonenin dhe Alonson.