Basketboll

Skuadra basketbollistike e NBA, Miami Heat, e kanë shitur qendrën Shaquille O'Neal, i cili do të udhëtojë drejt Phoenix Suns në këmbim për Shawn Marion dhe Marcus Banks.
Phoenix ka rekordin më të mirë të Konferencën Perëndimore, por beson se kanë nevojë për një lojtar më të madh, i cili do të përballet me Tim Duncan të San Antonio, dhe Pau Gasol të Los Angeles Lakers.

“Ne jemi të pushtuar që do të shtojmë një lojtar dhe person me kualitete të Shaquille, në skuadrën tonë. Vendosëm ta bëjmë këtë lëvizje duke u bazuar në mendimin se kjo na jep një shans më të mirë të arrijmë sukses në play-off. Menduam se kjo do të jetë një rast i shkëlqyeshëm”, ka thënë menaxheri gjeneral i Phoenix, Steve Kerr.

35-vjeçari O’Neal, kampion i katërfishtë në NBA, ka luajtur katër sezone me Orlando Magic, tetë me Los Angeles Lakers, ndërsa ishte në sezonin e katërt me Miami Heat. Këtë sezon ai është shoqëruar me probleme të formës fizike dhe ka mesataren më të ulët në karrierë, 14 pikë, derisa ka munguar edhe në 14 ndeshje për shkak të lëndimit.

Pas paraqitjes së shkëlqyeshme debutuese në fanellën e LA Lakers, basketbollisti spanjoll, Paul Gasol, ka zbuluar se - me mjeshtrit nuk është vështirë të luhet.
"Natyrisht që ende më duhet të përvetësojë edhe shumë lëvizje mashtruese e detaje, mirëpo bashkëlojtarët më kanë ndihmuar për këtë gjatë ndeshjes. Dorën në zemër, nuk ka qenë vështirë. E kam ndier vetë shumë mirë", ka deklaruar Gasol, pasi ka arritur 24 pikë dhe 12 asistime për fitoren si mysafir tek Nets në East Rutherford.

"Ka luajtur shumë mirë. Mbrojtjet e ekipeve tjera deri më tani kanë mësuar mirë se si të mbrohen nga ne, mirëpo prej tani e tutje do t’iu duhet të ndryshojnë taktikën sepse në anën tonë kemi Gasolin", ka deklaruar për bashkëlojtarin e tij të ri, Kobe Bryant.

Më së shumti optimizëm, kur e ardhmja e klubit nga Los Angeles është në pikëpyetje, ka treguar plejmejkeri i New Jersey Nets dhe miku i Bryantit, Jason Kidd.

"Kjo ndeshje ka treguar se çfarë lojtari është Kobe. Edhe pse shënimet nuk i shkonin për dore, u vendos shumë mirë dhe me topa furnizonte Gasolin dhe basketbollistët tjerë të ekipit. Kur bëhet fjalë për Paun, vetëm mund të them që Lakersat kanë marrë një përforcim jashtëzakonisht të mirë”, ka thënë Kidd.

Gasol, sipas tij, do t’i lehtësojë Kobet peshën e lojë në sulm, sepse me kualitet që ka mundet. “Edhe më shumë nga kjo do të përfitojnë basketbollistët tjerë të cilët do të kanë më shumë liri në gjuajtje. Posaçërisht do të vinte në shprehje Derek Fisher i cili ka shumë përvojë me treshe", ka përfunduar Kidd, i cili gjatë sezonit gjithashtu ka qenë i përmendur si përforcim potencial i LA Lakers.

--------------------------------------------------------------------------------

Houston Rockets ka mposhtur Milwaukee Bucks me rezultat 91-83, derisa fitore ka shënuar edhe Cleveland Cavaliers ndaj Los Angleles Clippers, me rezultat 98-84.
Ndeshja mes Houston dhe Milwaukee u karakterizua nga përballja mes dy yjeve kineze Yao Ming dhe Yi Jianlian. Tracy McGrady shënoi 33 pikë për Houston, ndërsa arriti edhe 11 kërcime dhe 6 asistime. Australiani Andrew Bogut shënoi 21 pikë për Milwaukee.

LeBron James është rikthyer pas një ndeshje mungesë dhe shënoi 28 pikë për të udhëhequr Cleveland Cavaliers drejt fitores 98-84 ndaj Los Angeles Clippers. Atlanta Hawks i thanë fund tre humbjeve në varg, duke shënuar fitore në shtëpi ndaj New Jersey Nets me rezultat 104-92.

Carmelo Anthony është rikthyer pas pesë ndeshjeve mungesë, duke shënuar 25 pikë, derisa Allen Iverson arriti 24 pikë dhe 13 asistime, për të ndihmuar në fitoren e Denver Nuggets ndaj Charlotte Bobcats, që përfundoi me rezultat 117-101.

Seattle SuperSonics shënuan fitoren e tretë me radhë derisa Kevin Durant shënoi 21 pikë përfshirë edhe një trepikësh në minutën e fundit, që solli edhe fitoren e ngushtë prej 86-85 ekipit të tij në përballje me New York Knicks.

--------------------------------------------------------------------------------

LeBron James ka shënuar një rekord të ri për Cleveland Cavaliers, duke shënuar 24 pikë në çerekun e katërt, nga 39 gjithsej, gjatë fitores së ngushtë 93-90 në udhëtim tek Toronto Raptors.
“Ndjeva sikur isha jashtë lojë, si gjatë ushtrimeve”, ka thënë James për reporterët . “Por befasisht kjo ndryshoi”. Ai shënoi tre trepikësha gjatë pjesës së fundit, ndërsa kishte shënuar vetëm gjashtë nga 19 gjuajtjet, në të tri pjesët e para. Chris Bosh arriti 23 pikë për Raptors.

Dirk Nowitzki arriti 30 pikë dhe Josh Howard 22, derisa Dallas Mavericks siguroi fitore të thellë prej 101-78 në udhëtim tek Minnesota Timberwolves, që humbi ndeshjen e tetë në seri.

28 pikë dhe 13 kërcime të Pau Gasol, udhëhoqën Memphis Grizzlies në fitore 101-94 në shtëpi ndaj Miami Heat, që shtojnë në shtatë humbjet në varg. Dwayne Wade arriti 18 pikë për Miamin, por shënoi vetëm në shtatë nga 20 tentimet.

Tony Parker shënoi 26 pikë dhe Tim Duncan ndihmoi me 17 pikë dhe 17 kërcime, në fitoren në udhëtim te San Antonio Spurs, me rezultat 88-82 ndaj Los Angeles Clippers. Manu Ginobili u rikthye nga lëndimi dhe shënoi 23 pikë për Spurs.

Caron Butler udhëhiqi Washington Wizards me 33 pikë, në fitoren 108-86 në udhëtim tek Seattle SuperSonics.

Tre pikët e Jarrett Jackut kur kishin mbetur vetëm 19 sekonda në vazhdimin e dyfishtë të lojës, i sollën fitoren ekipit të Portland Trail Blazers, prej 115-109, ndaj Chicago Bulls, gjatë ndeshjes së mbrëmshme.
Kjo ishte fitorja e 15-të në 16 ndeshjet e fundit për Portland, të cilët u rikthyen në lojë pas ngecjes në 14 pikë në pjesën e katërt. Jack riktheu avantazhin pas një topi të humbur nga Ben Gordon, duke e çuar rezultatin në 111-108.

Joe Smith, që kishte shënuar 31 pikë dhe 11 kërcime, shënoi vetëm një nga dy gjuajtjet e lira për Chicagon, derisa kishin mbetur vetëm edhe 14 sekonda lojë, para se James Jones të shënonte katër pikë të ardhshme për të shtuar avantazhin në 115-109.

Amare Stoudemire shënoi 34 pikë dhe 11 kërcime derisa Phoenix Suns u rikthye nga 20 pikë disavantazh, për të mposhtur Seattle SuperSonics, me rezultat 104-96.

29 pikët e Allen Iversonit udhëhoqën Denver Nuggets në fitore prej 80-77 si vendas ndaj San Antonio Spurs. Tony Parker dhe Tim Duncan, që të dy shënuan nga 20 pikë për Spurs, ndërsa Duncan arriti edhe 14 kërcime.

Plejmekeri i New Jersey Nets, Jason Kidd, në fitoren e mbrëmshme kundër Orlandos me rezultat 96:95, arriti të shënoi 2 rekorde të reja.
Ai në këtë mbrëmje shpërndau asistin e 9000-të në karrierë, ndërsa ka depërtuar në vendin e 3-të të ranglistës së përgjithshme të kërcimeve për playmeker duke e kaluar legjendën Magic Johnson.

Qendra e re e Bostonit, Kevin Garnett, aktualisht është basketbollisti më i votuar për ndeshjen revyale NBA ALL STAR 2008, që do të zhvillohet më 17 shkurt New Orleans. MVP i vitit 2004, deri më tani ka mbledhur mbi 1 milion e 500 mijë vota, duke siguruar më tepër se 240 mijë vota krahasuar me LeBron James, i cili e mban vendin e dytë në listën e të votuarve.

Kobe Bryant i Los Angeles Lakers, aktualisht është vetëm në vendin e 4-t, me pak më tepër se 1 milion e 200 mijë vota.

Majemi, dhurate Rajlit!
LA Klipers-Majemi 94-100

LA KLIPERS: Maget 24, Kaman 14. Topa ne tabele: Maget, Kaman 12. Asist: Najt 9.

MAJEMI: Uejd 35, Haslem 17. Topa ne tabele: Haslem 9. Asist: Uejd 10.

Pat Rajli kishte hyre me kohe ne eliten e NBA?se, por pas fitores se 1200?te ne karriere, te dielen naten, ai u ndie dhe me mire, pasi Majemi i dha fund serise prej pese humbjesh rresht. Duejn Uejd shenoi 35 pike e 10 asist dhe Hitsat fituan 100?94 me Los Anxhelos Klipersat. “Dy mbremje me pare, pas humbjes me Golden Steitin, u ndieva i zhgenjyer”, tha Rajli, “por tani me eshte kthyer paksa buzeqeshja”. Rajli eshte trajneri i trete ne NBA qe arrin kuoten e 1200 fitoreve, ne 1842 ndeshje. Ai eshte ne sezonin e tij te 24?t ne NBA, pasi ka udhehequr Lejkersat drejt kater titujsh kampion, si dhe Majemin drejt kurores ne sezonin 2005?2006. “Eshte nje nga ato caste qe do te mbahen mend pergjithmone, pasi nuk eshte e lehte te fitosh 1200 ndeshje ne nje kampionat si NBA?ja”, vazhdoi me tej Pat Rajli. “600 fitoret e para i kam arritur pikerisht ketu ne Los Anxhelos, dhe pse me Lejkersat. Ne ato vite kam stervitur shume yje fantastike, emrat e te cileve i dini mire. Tani kam ne duar Duejn Uejdin dhe jam krenar edhe per te, sepse kur lojtare si ai me japin kenaqesi te tilla do te thote qe si trajner po bej dicka te mire”.

Xhamal Tinslei i shpeton per fat plumbit te nje pistolete!

Organizatori i Indiana Pejersave, Xhamal Tinslei dhe disa shoke te tij i shpetuan per fat plumbave te nje pistolete te dielen ne mengjes pak jashte hotelit “Conrad” ne Indianapolis. Xhoi Qatato, i identifikuar si administratori i faqes se internetit te Indianes u qellua ne te dy berrylat e tij, pasi ishte ulur ne makinen Rolls Rois te Tinsleit. Por Qatato doli shpejt nga spitali pas mjekimit, duke mos pasur pasoja per jeten. Policia e Indianapolisit tha se keqberesit kishiin qelluar pas nje grbitjeje me arme dhe pas nje sherri me pronaret e nje dyqani, ne castin kur Tinslei dhe shoket e tij po largoheshin nga klubi ngjitur me te, “Cloud 9”. Me pas dy makina te grupit te Tinsleit ndoqen keqberesit dhe vellai i Xhamal, Xhejms, i qelloi ata po me arme zjarri, por pa prekur asnjeri.