Raul: Kjo skuadër është gjithnjë e më e fortë

--------------------------------------------------------------------------------

Raul: Kjo skuadër është gjithnjë e më e fortë
Raul ka pranuar se do të jetë shumë më i lumtur sesa vitin e kaluar, nëse Real Madridi arrin të shpallet kampion.

“Këtë vit ndjehem shumë i lumtur për gjithë ekipin. Ne jemi një skuadër relativisht e re, por shumë e fortë. Lojtarët të cilët erdhën këtë sezon kanë kontribuar shumë. Ende mendoj se jemi të aftë të ofrojmë më shumë sesa kemi bërë deri tani. Jo vetëm për faktin e unitetit në skuadër porse mendoj se kemi ende për të dhënë në mënyrën e lojës”, ka thënë numri nëntë i Realit.

Reali mund të shpallet kampion javën e ardhshme nëse fiton, ndërsa përcjellësit e tij humbin. Një gjë e tillë do t’i pëlqente shumë Raulit, pasi që do të festonin në Bernabeu.

“Në Santander e bëmë një hap të madh përpara dhe duhet ta festojmë atë. Tani duhet të qëndrojmë të qetë dhe ta përfundojmë punën. Villareali dhe Barca po luftojnë për vendin e dytë dhe nuk besoj se do të lëshojnë më pikë, sido që të jetë ne kemi avantazh të qartë. Do të kisha pasur dëshirë të kremtojmë në shtëpi, mirëpo me rëndësi është të shpallemi kampionë sepse e meritojmë një gjë të tillë”, ka përfunduar kapiteni.