Kaka dhe Ronaldinho janë të interesuar për Premierligën

Mbrojtësi i Tottenhamit, Gilberto, ka bërë të ditur se bashkëkombësit e tij, Kaka dhe Ronaldinho, do të dëshironin të luajnë në Premierligë.Kur ata janë takuar gjatë ndeshjeve me kombëtaren e Brazilit, temë kryesore ka qenë Premierliga, ndërsa Gilberto është i bindur se dy shokët e tij janë të interesuar t’i testojnë aftësitë e tyre në kampionatin anglez.



“Kur jemi me ekipin e Brazilit, Kaka, Ronaldinho dhe unë, flasim për Premierligën, ndërsa diskutimi merr intensitet kur edhe Gilberto Silva na bashkohet, pasi që ai ka përvojë më të madhe në Angli”, ka thënë Gilberto.

“Nuk ka arsye pse lojtarët si Ronaldinho dhe Kaka të mos luajnë në Angli. Gjithnjë e më shumë futbollistë brazilianë arrijnë këtu. Brazilianët mendojnë se Premierliga është më e vështira. Lojtarët më të mirë luajnë këtu”, ka përfunduar Gilberto.