Henry: Në Angli mund të kthehem vetëm për Arsenalin

Henry: Në Angli mund të kthehem vetëm për Arsenalin
Sulmuesi francez, Thierry Henry, ka thënë se ai është i lumtur në Barcelona, por ka shtuar se do të kthehet në Premierligë, vetëm nëse do të mund të luajë për ish-klubin e tij, Arsenalin.

30-vjeçari, i cili u largua nga Londra për një shumë prej 20 milionë eurosh, në qershor të vitit të kaluar, një kohë të gjatë është lidhur me rikthim në Angli, pas një sezoni të pasuksesshëm në Spanjë.

“Jam i lumtur, nuk pendohem që jam larguat nga Arsenali. Por, në Angli ekziston vetëm një ekip për mua. Çdokush e din dashurinë dhe joshjen që kam për Arsenalin. Kam aq shumë i dhënë pas tij, jam një tifoz i flaktë”, ka thënë Henry.

“Që kur kam arritur këtu ka pasur shumë spekulime, që nga dita e parë, por të kthehem? Është vetëm një klub në zemrën time. Më ka kushtuar një kohë të gjatë të kuptoj se çfarë do të thotë Arsenali për mua”, ka shtuar francezi.

Henry, i cili në Premierligë shënoi 174 gola në 254 paraqitje për Arsenalin, ka qenë vetëm hija e tij në klubin nga Camp Nou, duke shënuar vetëm shtatë gola në 25 paraqitje