Valencia refuzon ofertën e Realit për Villan

Mediumet spanjolle kanë shkruar sot se Valencia e ka refuzuar edhe një ofertë të majme të Real Madridit për sulmuesin spanjoll David Villa.“Marca” ka bërë të ditur se Real ka ofruar afro 20 milionë euro si dhe brazilianin Julio Baptista për të fituar shërbimet e Villas, por Valencia e refuzuar një ofertë të tillë për shkak të pagës së madhe vjetore, prej 2.5 milionë eurosh që e ka kërkuar braziliani.

Real tash do të përgatitet për të bërë një ofertë të re më të pasur, e cila do të shkojë në vlerën e 25 milionë eurove, si dhe dy lojtarët Esteban Granero dhe Ruben de la Red.

Krahas Madridit, sipas Marcas, për sulmuesin e Valencias seriozisht është i interesuar edhe Interi. Klubi spanjoll kërkon mbi 30 milionë euro për Villan, që është shumë e madhe edhe për Interin.