Laptop për super-shfrytëzues

Laptop për super-shfrytëzues
Këto ditë janë prezantuar të dhënat shtesë për laptopin e fuqishëm të kompanisë MSI, GX600X TurboBook. Bëhet fjalë për laptopë të dedikuar ekskluzivisht për nevojat e super-shfrytëzuesve që gjithmonë janë në kërkim të tejkalimit të mundësive teknologjike.

MSI GX600X TurboBook ka monitor 15.4 inçësh, ndërsa vihet në funksion me procesor Intel Core 2 Duo, kartelë grafike NVIDIA 8600M GT dhe me 4 GB DDR2 RAM memorie.

Po ashtu ka edhe dalje HDMI, ueb-kamerë prej 1.3 megapikselë dhe altoparlantët-stereo, ndërsa të gjitha këto aktivizohen me sistemin operativ Vista.

Një pajisje shtesë e këtij laptopi është edhe Turbo gumb, respektivisht overclocking automatik, me aktivizimin e të cilit fitoni performancë më të mirë për 20 për qind.