Mutu: Kjo është ndeshja e jetës

Mutu: Kjo është ndeshja e jetës
Sulmuesi i Fiorentinës, Adrian Mutu, ka thënë se skuadra e Violas do ta luajë ndeshjen e jetës sonte kundër Glasgow Rangers.

Dy skuadrat takohen për ndeshjen e dytë gjysmëfinale në Artemio Franchi për ta siguruar një vend në finalen e Kupës UEFA. Takimi i parë ndërmjet dy skuadrave në Glasgow përfundoi pa gola, ndërsa Mutu shpreson se Viola është skuadra e cila do ta shkojë në finale.

“Një finale evropiane do të ishte një arritje e shkëlqyer. Gjithçka mund të ndodhë në futboll, mirëpo ne do të japim gjithçka në fushë dhe kjo do të jetë ajo që do të na kënaq më së tepërmi pavarësisht nga rezultati përfundimtar”, ka thënë Mutu për faqen zyrtare të klubit.

“Ndeshja e mbrëmjes mund të na realizojë ëndrrën për të marrë pjesë në një finale të madhe këtë sezon. Për neve kjo ndeshje është më e rëndësishmja e sezonit, megjithëse nuk do të thotë se ndeshjet tjera nuk janë të rëndësishme, por kjo e sotmja është diçka speciale”, ka thënë sulmuesi rumun.