Pogrebnyak: Zeniti nuk do të luajë për barazim

Pogrebnyak: Zeniti nuk do të luajë për barazim
Sulmuesi i Zenit St. Petersburg, Pavel Pogrebnyak, e ka paralajmëruar Bayern Münchenin që sonte të ketë kujdes nga sulmi i tyre.

Zeniti ka arritur ta menaxhojë mirë lojën e parë kundër Bayernit duke arritur të nxjerrë një barazim, 1-1, mirëpo kjo nuk do të thotë se rusët do të mbrohen.

“Jemi përgatitur si gjithmonë edhe pse ballafaqohemi me një kundërshtar shumë të fortë. Bayerni është njëra nga skuadrat më të forta evropiane, mirëpo ne kemi një rezultat pozitiv nga shtëpia e tyre dhe kjo na jep një mundësi të mirë”.

“Sido që të jetë ne do të luajmë për fitore, sepse nëse provojmë të mbrohemi atëherë do të eliminohemi”, ka thënë Pogrebnyak për UEFA.com.