Wenger kërkon nga Flamini të qëndrojë

Menaxheri i Arsenalit, Arsene Wenger, ka kërkuar nga mesfushori Mathieu Flamini të mos largohet nga Emirates Stadium, vetëm për interes të “disa parave”, por të sakrifikojë dhe të qëndrojë me topçinjtë.
“Ka diçka në këtë ekip që është më i fuqishëm se disa para më shumë aty-këtu. Ajo çfarë është vërtetë e rëndësishme, është se ky ekip kërkon ‘të shkojmë deri në fund të potencialit tonë së bashku dhe të mos largohemi për arsye më të thjeshta’, dhe kjo është ajo që pres nga lojtarët të tregohen të fuqishëm”, ka thënë Wenger.

“Nuk jemi më në kohën kur fiton 150 funte më shumë në një klub tjetër dhe kjo është vendimtare për jetën tuaj. Flamini mund të fitojë më shumë diku tjetër, kjo është e sigurt pasi që ai do të kalojë përmes transferimit të lirë, por pyetja është sa është ai i gatshëm të sakrifikojë të qëndrojë këtu?”, ka shtuar francezi.

Topçinjtë nesër, të hënën, do të përballen me ekipin e fundit të tabelës, Derby County.