Milan kërkon ulje çmimi për Ronaldinhon

Milan kërkon ulje çmimi për Ronaldinhon
Zëvendëspresidenti i Milanit, Adriano Galliani, i ka thënë Barcelonës se ata do t’i japin fund interesimit të tyre për Ronaldinhon, nëse klubi spanjoll nuk e ul çmimin për transferimin e brazilianit.

“Është e sigurt që ne e duam lojtarin dhe ai na dëshiron neve, por nëse Barcelona vazhdon të kërkojë çmim të lartë, asgjë nuk do të bëhet. Nuk ka ndonjë risi dhe gjërat po shkojnë ngadalë”, ka thënë Galliani.

Ronaldino, i cili ka kontratë me Barcelonën deri në vitin 2010, ka kaluar sezonin më të keq që kur iu bashkua klubit spanjoll, në vitin 2003 nga Paris St Germain.

Galliani po ashtu ka zbuluar se portieri i Milanit, Christian Abbiati, i cili është i huazuar në Atletico Madrid, ka shumë gjasa që të kthehet tek rosonerët gjatë verës.